"Түмэн хурд-2012” Сүхбаатар аймгийн баруун бүсийн уралдаан

А.Тэлмэн
2012 оны 3-р сарын 19 -нд

Монголын хурдны цөм нутаг Сүхбаатар аймгийн баруун бүсийн хурдан  хүлэг шалгаруулах "Түмэн хурд 2012" дээд гурван насны  уралдаан 3-р  сарын 18-ны өдөр Түмэнцогт суманд зохион байгуулагдлаа. Газар газрын алтан туурт тоосоо өргөсөн энэхүү уралдаанд Сүхбаатар төдийгүй  Хэнтий, Дорнод, Улаанбаатар, Төв зэрэг аймагийн уяачид оролцсон өргөн дэлгэр наадам боллоо.
Энэхүү уралдаанд 70 гаруй хурдан азарга тоосоо өргөснөөс  Сүхбаатар аймгийн Түмэнцогт сумын уяач А.Очгэрэлийн хүрэн түрүүлж Хэнтий аймгийн Өлзийт сумын уяач З.Ишцогийн хар аман хүзүүнд хурдалсан бол  Архангай аймгийн Ихтамир сумын уяач Г.Тэмүүлэнгийн шарга халзан айргийн гуравт, Сүхбаатар аймгийн Түмэнцогт сумын ААУяач Д.Амарбаатар зээрд айргийн дөрөвт, Сүхбаатар аймгийн Мөнххаан сумын уугуул "Бат интернэшнл" ХХК- ийн уяач Ц.Энхбатын хонгор айргийн тавт хурдаллаа.
Их насны 90 гаруй хурдан буян уралдснаас Төв аймгийн Баян сумын уугуул, ММСУХ-ны ерөнхийлөгч, МУ-ын шадар сайд М.Энхболдын хүрэн халзан торгон жолоогоо өргүүлсэн бөгөөд Сүхбаатар аймгийн Түмэнцогт сумын МУМУяач С.Төмөр-Очирын хүрэн аманхүзүүнд хурдалж айргийн гуравт  Хэнтий аймгийн Баян-Овоо сумын уяач Д.Нямдаваагийн хонгор айргийн дөрөвт Төв аймгийн Алтанбулаг сумын уяач Д.Батсуурийн хүрэн айргийн тавт Хэнтий аймгийн Батноров сумын ААУяач С.Батсуурийн хүрэн тус тус хурдалж уясан эзэн унасан хүүхдээ баярлууллаа.
Мөн 60 гаруй хурдан соёолон морьд уралдаж Сүхбаатар аймгийн Мөнххаан сумын уяач Д.Очирдэрэмийн бор түрүүлж Хөвсгөл аймгийн Түнэл сумын уяач Бямбадоржийн халтар аманхүзүүнд хурдалж , Завхан аймгийн Яруу сумын уугуул МУ-ын  Алдарт Уяач Д.Дагвадоржийн хул айргийн гуравт  Сүхбаатар аймгийн Наран сумын уяач Б.Бат-Өлзийн буурал айргийн дөрөвт  Сүхбаатар аймгийн Түмэнцогт сумын уяач Д.Лүндэгдоржийн хул айргийн тавт хурдаллаа.

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна