Хоёр тэрбум доллараас бүтсэн дэлхийн хамгийн том морин тойруулга Мэйдин

Юуны  өмнө Мэйдан морин тойруулгын цогцолбор нь 6,2 сая квадрат метр талбай эзэлдэг. Делюкс зэрэглэлийн таван одтой зочид буудлыг өөртөө багтаасан 20 мянган үзэгч тухлах 1.6 км урттай индэртэй. Энэ нь дэлхийн хамгийн урт индэр юм. Нарны эрчим хүч үүсгүүр гэх мэт технологийн хамгийн сүүлийн үеийн ололтуудыг ашигласан энэхүү зочид буудлын индэрийн дээвэр нь хавирган сар хэлбэртэй. Дээр нь 4500 хүн багтах боломжтой Bubble Lounge-тэй гээд төсөөл дөө.
Морин тойруулгын цогцолборт хэд хэдэн дээд зэрэглэлийн зоогийн газар байрладаг бөгөөд  8622 машины зогсоол, уралдааныг шууд дамжуулах 110х10 хэмжээтэй LED дэлгэцтэй. Дашрамд сонирхуулахад энэ дэлгэц нь дэлхийн хамгийн том дэлгэц юм.
Хувьдаа тансаг завьтай баячууд хүсвэл тусгайлан байгуулсан усан зогсоолд зогсоод завин дээрээсээ уралдааныг тухлан үзэх боломжтой. Мейдан гэдэг нь арабаар уулзан учрах газар гэсэн утгатай. Мейдан Racecourse, Metropolis, Horizons, Godolphin Parks гэсэн дөрвөн хороололтой. Хороолол болгон өөрийн гэсэн онцлог, давтагдашгүй дүр төрхтэй юм.

Horizons хороолол нь усан сувгуудын дунд байрладаг бөгөөд дээд зэрэглэлийн арилжааны болон орон сууцны зориулалтын барилгуудаас бүрддэг.
Godolphin Parks нь орон сууцны хороолол.
Racecourse хороолол нь дээр өгүүлсэн таван одтой зочид буудал, Дубайн морин уралдааны музей, уран зургийн галлерей ба 585 хүний суудалтай IMAX кино театртай.
Metropolis хороолол нь оффис болон худалдааны төвийг багтаасан багууламжуудаас бүрддэг.

Энэ бүхнийг байгуулахад нийтдээ 2 тэрбум орчим ам доллар зарцуулсан байна.

Ингээд үзэхээр морин тойруулга гэдэг нь хурдан морьд уралдаж, морины хорхойтой хүмүүс цуглардаг газар төдийгүй асар их мөнгө эргэлдэж байдаг  жинхэнэ бизнесийн орчин юм.