Энэ жилийн наадмаар 3500-4000 адуу тоосоо өргөнө

Үндэсний их баяр наадам эхлэхэд 7 хүрэхгүй хоног үлдээд байна. Наадмын бэлтгэл ажил жигдрээл, байгаль дэлхий ч өнгөтэй, зушлага сайхан болж байна.

Энэ жилийн хувьд баяр наадмын хурдан морьны уралдаанд 10-ны өдрийн 08:00 цагт хязаалан насны морьдын уралдаанаар эхлэх юм байна.

Бүрэн бус мэдээгээр улсын баяр наадмын хурдан морьдын уралдаанд 16-17 аймгийн 3500-4000 хурдан хүлэг тоосоо өргөх бололтой.

Гэвч уралдах морьдын бүртгэл эхлээгүй байгаа ч энэ сарын 9-ний өглөөнөөс 24 цаг хүртэл бүртгэх юм байна.

Морьд уралдах зайны хувьд даага 12, шүдлэн 14, хязаалан 17, соёолон азарга 22, их насны морьд 26 км-т уралдах юм байна. Харин уралдаанд эрлийз адууг оролцуулахгүй байхаар коммис шийдвэрлэсэн бөгөөд эрлийз адууны уралдааныг тусад нь зохион байгуулахаар болжээ.