Даамчид Франц руу мордлоо

Франц улсын Лиллей хотноо наймдугаар сарын 9-нөөс 23-ны хооронд болох зуун буудалт даамын тэмцээнд оролцохоор манай тамирчид эх орноосоо мордлоо. Багийн бүрэлдэхүүнд эрэгтэй олон улсын их мастер Д.Эрдэнэбилэг, олон улсын мастер О.Түвшинболд, дэлхийн даамын холбооны мастер Д.Баттулга, Р.Манлай, спортын мастер Ц.Отгонбилэг, Э.Энх-Эрдэнэ, Ц.Эрдэмбилэг, эмэгтэй спортын мастер Э.Мандахнаран, С.Нямгэрэл, Б.Нандинцэцэг, Энхтуяа, М.Нямжаргал нарын тамирчид оюун ухаанаа уралдуулах юм.