Морийг тээвэрлэх

Ачиж буулгахад тайван байдаг морийг тээвэрлэхэд ямар нэгэн саад бэрхшээл үүсдэггүй. Тээвэрлэж байх үед нэг удаа сөрөг сэтгэгдэл төрсөн морь энэ тухайгаа үргэлж санаж байдаг тул ийм морийг дахин тээвэрлэхэд бэрхшээл учир ч болзошгүй.

Тээврийн хэрэгсэл
Морийг тээвэрлэх тэвшний шал ба хашлага нь бэх бат байхаас гадна шалны бүрхүүл нь хальтиргаагүй байх ёстой. Машин эргэх үед морь хөлөө хажуу тийш тавьж тэнцвэрээ хадгалж байхаар уужим зайтай байвал зохимжтой. Тэвшний урд хойд талд бэх бат хашлага байрлуулсанаар тээврийн хэрэгсэл гэнэт тормозлох үед моринд түшүүр болно. Морийг байнга тээвэрлэдэг тээврийн хэрэгслийг үе үе шалгаж байвал зохино.

Тээвэрлэлтэнд бэлдэх
Олонхи Морийг ногттой бол хялбархан ачиж болдог ба зарим морьд өөрөө тэвшин дээр гардаг. Мэдээж, морь тээвэрлэж яваа машин аюулгүй замыг сонгон авна.
-Морины сүүлийг тоос шороо болон юманд үрэгдэхээс сэргийлж тусгай боолт хэрэглэнэ. -Тээвэрлэлтийн үед цохилтоос сэргийлсэн шилбэвчүүдийг мөн ашигладаг. Хөлийн шилбийг дээд үе хүртэл нь шилбэвчээр бүрхэнэ.
-Гар хийцийн шилбэвчээс үйлдвэрт хийсэн шилбэвч илүү сайн хамгаалалт болж чадна.

Нөмрөх ба замд тэжээх
Морины өөрийн байдал болон цаг агаараас шалтгаалан нөмрөг нөмрүүлэх эсэхийг шийднэ. Даарч байгаа морины чих нь хүйтэн байх ба үс нь хатуурч босдог. Хөлөрсөн морь тээвэрлэлтийн үед даарч болзошгүй, тиймээс моринд нөмрөг нөмрүүлэх эсэх, хэдийд үүнийг хийх болон ямар нөмрөг авч явахыг сайтар бодож тунгаах шаардлагатай. Үсийг нь хяргасан морийг өвлийн улиралд ямар ч тохиолдолд нөмрөгтэй тээвэрлэнэ. Хөлсийг гадагш н:-нэвтрүүлж, адууг дулаан хуурай байлгах чанартай дулаалгын нөмрөг байна. Шингэн үстэ;": адуунд зузаан нөмрөг нөмөргөне. Үсийг нь хяргаагүй адуунл хөнгөн нөмрөг хангалттай. Дулаавтар цаг агаартай үед адуу: нөмрөггүй тээвэрлэж болнс. Нөмрөгийг адууны гэдсээр ОЛОУ. татаж бэхэлдэг. Ойрхон газарт бол морийг эмээл, хазаартай байхад нь тээвэрлэж болно. Ингэхдээ жолоог хойш щ татаж адуу хөдлөхгүй байхааг бэхэлнэ. Дөрөөнүүдийг дээш нь татаж бэхлэн эмээлийн гадуур хамгаалах нөмрөгөөр бүрхэнэ. Адууг тээвэрлэхээ: нэг цагийн өмнө тэжээх ба хол зайд аялбал тэвшин дээр өвстэй сагс байрлуулна. Тээвэрлэлтийн үед шахмал буюу хатуу үйрмг: тэжээл өгч болохгүй. Зам зогсох үед адууг усална.

Ачих ба буулгах
Найдвартай,  номхон морьдыг амгайвчилсан хазаартай зарим үед урт цулбуур ашиглан ачна. Тэвшин дээр морийг гаргах гишгүүр нь газарт сайн суусан бэх бат гүдгэр биш байх ёстой.Морь  гишгүүр  дээр тайван гарч чаддаг ба түлхлэх буюу ухардаггүй байх ёстой.Морийг тэвшин дээр гарсаны дараа арын хаалтыг өргөжхаагаад адууг тэвшний хашлагад уяна.Тээвэрлэлтийн үед эргэжтойрдог буюу арагшаа харахыг оролддог морины толгойг хоёр талаас нь уяна. Уяа нь зэрэгцээ морийг хазаж хүрэхээргүй боловч тэнцвэрээ хадгалахад хангалттай урт байвал зохино. Энд уяа зангилааны талаар мэдлэг шаардагдана. Хоёр уяан дээр нэг морь тээвэрлэх гэж байгаа бол адууг тэвшний зүүн талд нь байрлуулна. Учир нь ихэнхи зам баруун тийшээ эргэдэг тул тээврийн хэрэгсэлийн тэнцвэрийг хадгалахад тохиромжтой.

Морийг ачих буулгах тааларх санамжууд
-Залуу морьдыг тээвэрлэхийн өмнө тэвшинд олон удаа гаргаж буулган тэнд нь тэжээж сургах хэрэгтэй.
-Номхон морьдыг түрүүлж ачна. Морийг ачих зам дээр нь өвс тавьж болно. Гишгүүр дээр
овъёос тавибал морьдыг ачихад дөхөм болно.
-Тэвшин дээр тусгаарлах хаалт тавихдаа хангалтай орон зай үлдээ.
-Өвс тэжээлээр өгөөш хийвэл морьдыг ачихад хялбар.
-Морьд хөлийнхөө улыг гишгүүр дээр болгоомжтой тавьж байгаад анхаарлаа хандуул.
-Ачихад догширдог морьдыг хоёр цулбуур ашиглан ачиж болно.

Юу авч явбал зохих вэ
-Өвс, арвин савтай ус -Хомоол арилгах хүрз ба хувин
-Цэвэрлэгээний багажууд
-Хоёр хувин
-Хоёр зөөлөн даавуу
-Модон хутга
-Эмээл, ногт, хөлсөвч
 -Тээвэрлэлтийн зориулалттай нөмрөг, гэдсээр нь татах өргөн бүслүүр, хамгаалалтын шилбэвч, сүүл боох хоёр дээс болон бусад зүйл
-Эмнэлгийн анхны тусламжийн хайрцаг, шархны боолт, ариутгах бодис гэх мэт
-Харилцаа  холбооны хэрэгсэл

Буулгах  
Морьдыг гишгүүрээр буулгана. Хаалга буюу арын хаалтыг буулгахын өмнө морьдын уяаг тайлна. Гишгүүрт ойр байгаа морьдыг түрүүлж гаргана.