Адууны бэлчээр

Бэлчээрийн аж ахуй ♦ Бэлчээрлэх хугацаа ♦ Сайн болон муу талууд
Адууг өдөржин бэлчээрт, задгай агаарт байлгах нь жүчээнд байснаас хамаагүй дээр. Гэхдээ бага талбайтай, ганцхан бэлчээрт байлгнах нь адууны эрүүл мэндэд муугаар нөлөөлөх тал байдаг. бага талбайтай бэлчээрийг адуунд тохиромжтой эрүүл байдгахын тулд ихээхэн арчилж тордох хэрэгтэй.
БЭЛЧЭЭРИЙГ АРЧЛАХ
Бага талбайтай бэлчээрийн өвсийг идэж дууссанаас «хөлийн зуд» болно. Энэ нь идэж болох өвсийг дуустал идэж, зөвхөн хог ургамал үлдэнэ гэсэн үг юм. Ганц бэлчээртэй бол түүнийгээ гурав хувааж, ээлжлэн ашиглах ба зарим хэсгийг нь боловсруулж амраана. Өвс ургамалын гарцаас хамааран нэг моринд багаар бодоход хагас га бэлчээр хэрэгтэй. Бүр сайндаа нэг га бэлчээртэй байхад хангалттай. Тэжээллэг ургамал ургадаг үе нь 5-6 сар юм. Эрт зунаар хог ургамалыг хадаж цэвэрлэнэ. Бэлчээрийг сэлгээгүй удаан ашигласнаас хөрс «ядардаг». Намраас адууг өвсөөр тэжээх ба бэлчээрийг амраах буюу хог ургамалыг нь идүүлэхээр үхэр оруулж болно.
САЙН АРЧИЛСАН БЭЛЧЭЭР
Сайн бэлчээр гэж тогтмол урсгал устай, идэхэд хоргүй өвстэй, модны сүүдэртэй, тэнгэр муудахад хоргодох нөмөртэй газрыг хэлнэ. Бэлчээрийн хаалга, хашлага болон хүрээлэн буй орчныг нь өдөр бүр ажиглан хянаж байх шаардлагатай. Өдөр бүр бэлчээрээс цагаан хорхоины авгалдайг түүж байвал адуу өтөх нь бага байдаг. Хог ургамалыг тогтмол цэвэрлэн шатаана. Адуу бэлчээрээс юуны түрүүн цэвэр ус хайдаг. Ийм учраас усны савыг үргэлж цэвэр байлгахаас гадна үхсэн шавьж хорхой, өт авгалдай, шувууны баас зэргээс цэвэрлэх ёстой. Ан амьтныг хамгаалах тухай хуулинд  бэлчээрийг  бороо,
халуун, хүйтэнээс хамгаалах ёстой гэж заасан байдаг. Бэлчээрт ургасан цөөн хэдэн мод ийм хамгаалалтын үүрэг гүйцэтгэж чадна.
МУУ АРЧИЛСАН БЭЛЧЭЭР
Муу  бэлчээр гэж хэт өндөр ургасан өвстэй, халцгай газар ихтэй, өвсийг нь идэж дуусгасан,  ургамал ихтэй газрыг хэлнэ. цэвэрлээгүй орхисон хомоол хөрсийг бохирдуулж, адуунд цаан хорхойны   халдвар  тараана. Ийм нөхцөлд адуу эрүүл, сэргэлэн цовоо байж чадахгүй.
Хашааны хөндлөвч нь унасан, шон нь ганхаж суларсан байвал аюултай. Түүнчлэн газар сайгүй шургааг, усны сав, шил хөглөрсөн бол адуу гэмтэл авах болзошгүй юм. Чулуу, нүх үлийтэй хөрс, усан сангийн дэргэд шавар шалбааг үүсэж халтиргаатай болсноор мөн адуу гэмтэх магадлалтай.
ХОРТОЙ БУТ УРГАМЛУУД
Бэлчээрт зараан уул, чонын өргөс, халгай зэрэг ургамлууд байвал тусгүй. Эдгээр хортой ургамлууд нь маш аюултай. Эдгээр ургамлуудыг адуу зөвхөн өлссөн үедээ идэх магадлалтай. Ийм учраас эдгээр ургамалуудыг үндсээр нь таслаж, шатаах хэрэгтэй. Химийн бодис ашиглан хортой өвсийг устгаж арилгаад бэлчээрийг амрааж болно. Мэдэгдэж байгаа хортой өвсийг латин нэрээр нь жагсаавал:
• Senecio vulgaris
• Dijitalis purpurea
• Pteridium aquilinum
• Ligustram vulgares
• Senecio jakobaea
• Taxus baccata
• Atropa belladonna
• Laurus nobilis
• Ranunculus
• consolidaambigua