Улсын хүлэгч Н.Шаравдорж: Морины толгой алдвал өвөөдөө шилэн хүзүүдүүлдэг байж билээ
-Монгол улсын уран уургач бугуйлчийн спортын мастер цолтой гэж сонссон юм. Энэ тухайгаа яриагаа эхлэх үү?
-Тийм ээ, мастер цолтой. Бага нас бусдын л адил өнгөрсөн дөө. Адуу маллаж, аав ээждээ туслаад л. Ингээд эрийн цээнд хүрэхийн цагт цэргийн албанд татагдан, Дорноговь аймгийн Сулинхээрт гурван жил агт малласан. Багын л адуу малтай ойр өссөн надад агт маллахад түүртэх зүйл гарч байсангүй. Ингээд цэргээс халагдаж ирэнгүүтээ нэгдлийн адуу маллаж эхэлсэн. 1985 онд анх удаа уран уургач бугуйлчийн тэмцээнд орсон ч амжилт гаргаж чадаагүй л дээ. Гэхдээ их юм сурч үлдсэн. Тэгэхэд улсын уургач Буянхүү, Өвгөнхүү гуай нар санал болгосон юм. 2004 онд Говь-Алтайд болсон тэмцээнээр Ууганбаяр бид хоёр спортын мастер болцгоосон. Харин улсын хүлэгч цолыг аваад жилийн нүүр үзэж байна. Энэ цолыг анх дөрвөн хүнд олгосны нэг нь би байгаа юм. Дорноговь аймгийн Мараахайн Чинбат, Булган аймгийн Рэнцэндорж, Хөвсгөл аймгийн Даваацэрэн, тэгээд би ордог.
-Тэгвэл анхны амжилтаа хэзээ гаргаж байв?
-1997 онд Хэнтий аймгийн Батноров суманд болсон тэмцээнээс мөнгөн медаль хүртсэн маань анхных байлаа. Тэр тэмцээнд манай багшийн хүү Ууганбаяр шагналт байранд орж, бид хоёр багаараа түрүүлж билээ. Харин үүнээс жилийн дараа Архангай аймгийн Цэнхэр суманд болсон тэмцээнд Ууганбаяр маань түрүүлж, би хүрэл медаль, багаараа мөн л түрүүлсэнээс хойш дөрвөн удаа алтын эзэн болсон. Ямартаа ч одоогийн байдлаар манай аймгийн амжилтыг эвдсэн “өрсөлдөгч” гараагүй л байна. Энэ жилийн хувьд Хэнтий аймгийн Өмнөдэлгэр суманд болсон тэмцээнд Ууганбаяр маань очиж хүрэл медаль хүртээд ирсэн сонин дуулгахад таатай байна.
-Таныг энэ спортод ороход хамгийн их нөлөөлсөн хүн хэн бэ?
-Миний аавыг уургач Найдандорж гэдэг байлаа. Тийм болохоор морь уургалж бугуйлдах анхны багш аав маань байгаа юм. 2003 онд улсын аваргаас алтан медаль аваад ирэхэд аав 75 настай хэрнээ морь уургалж цугласан олныг уулга алдуулж байлаа. Үнэхээр сайхан санагдаж билээ. Тэгэхэд хүмүүс “танай хүү таныг залгамжилсан сайн уургач болох нь дээ” гэхэд “миний хүү одоо л морио юүлж унахтайгаа болж байгаа юм байна” гэж билээ. Ааваасаа мөн ч их юм сурсан даа. Хазаар ногт, чөдрөө өөрөө хийчихнэ, уурганыхаа зоог зөв татаад барьчихна, морио сайхан дэллээд уначихна гээд л хэний ч өмнө нүүр улайхааргүй шүү. Одооны хүүхдүүд уурганыхаа зоог нь олигтойхон бариад ч явж чадахгүй юм. Би цэрэгт уургыг нааж сурчихаад, наамал уургыг анх удаа аймагтаа нэвтрүүлж байлаа. Мөн хангайн бугуйлыг хийж өгсөн. Анх хангайд очиж тэмцээнд орчихоод ширийг яаж зүсэж бугуйл хийдгийг сурч байлаа.
-Аавынхаа тухай манай уншигчдад илүү дэлгэрэнгүй ярьж өгөөч?
-Жирийн л малчин ардын хүү байгаа юм. Хүүхэд байхын адуу мал эргүүлсэн хүү яваад 16 настайдаа анх уургач гэдэг нэрийг авч байсан байдаг. Тэгэхэд Баянхалтарга гэдэг айлынд очтол ороо морь барих гээд хүмүүс цуглачихсан байж л дээ. Аав унаа муутайхан явж байсан гэнэ. Тэгсэн нэг хүн ирээд “тэр уургачид уургаа өгчих” гэжээ. Уургаа өгөлгүй зогсож байтал нөгөө адуу нь яг урдуур нь гарч л дээ. Аав уургалаад таттал гуд татуулаад эмээлийнхээ урдуур суучихаж. Тэгсэн ашгүй морь нь жаахан үсрэх аядаад хуйв нь тунараад ирэхэд нь эмээлийнхээ ар талаар сууж, нөгөө адуугаа тогтоожээ. Тэгтэл нөгөө уургаа өг гээд байсан хүн нь ирж, “миний дүү ахыгаа уучлаарай. Ийм уургач гэдгийг чинь мэдсэнгүй” гэж хэлсэн гэсэн. Аав богинохон уурга барьдаг, унаж яваа мориороо л морь уургалдаг хүн байсан. Дээхэндээ морь уургалахдаа морины толгой алдвал өвөө аав шилэн хүзүү рүү цохичихдог байж л дээ. Энэ тухайгаа аав “сүүлд цэрэгт морь уургалж байхдаа үе үехэн аавын дуу сонстох шиг болдогсон” хэмээн үе үе дурсамж сөхдөг байсан.
-Өвөө тань бас уургач хүн байсан байх нээ?
-Тиймээ, бид удмаараа адуу малтай холбогдсон улс. Сонирхуулахад манай эгч ч эмнэг сургалтын спортын мастер хүн бий. Бас эгчийн охин Бямбацэрэн чөлөөт бөхийн тамирчин.
-Тийм үү. Эгч тань тэгээд ямар ямар амжилт гаргаж байв?
-Манайх тэр үед засгийн тэмээ малладаг байлаа. Бас амины хэдэн адуутай, тэднийгээ их булгиулна. Дээхэн үед чинь охид үсээ задгай тавихгүй, хоёр салаа гэзэгтэй охин хөвгүүдтэй ана мана л үздэг байлаа.
-Таныг аймагтаа уран уургач бугуйлчийн тэмцээнийг жил болгон зохион явуулдаг гэж байсан. Энэ тухайгаа ярьж өгөөч?
-2000 онд манай аймагт анх улсын уран уургач бугуйлчийн тэмцээн болсон юм. Түүнээс хойш 11 жил аймагтаа уран уургач бугуйлчийн тэмцээнийг зохион байгуулж байна. Мөн зөвхөн хангайд л болдог гэж хүмүүсийн боддог бооцоот уралдааныг аймагтаа зохион байгуулаад багагүй хугацаа өнгөрч байна. Гэхдээ харамсалтай нь орчин үед адуу малтай ноцолдчих залуус ховор болж дээ. Саяхан манай аймгийн уяачдын холбооноос “Адуучин” тэмцээнийг зохион байгуулсан нь нүдээ оллоо гээд бүүр баярлаад байгаа юм. Одоо ч болж өгвөл мотоцикль л унах сонирхолтой болж.
-Та морь уяж байна уу?
-Том хүү маань морь уяж байна. Миний хувьд зөвлөхийн ажил хийгээд л байна даа. /инээв/ Сүүлийн жилүүдэд адууныхаа цусыг сайжруулах тал дээр илүү анхаарал хандуулж байгаа. Дорноговь, Дундговиос нэлээд хэдэн адуу авлаа. Түрүүчээсээ сайхан амжилт гаргаад л байна. Ноднин авчирсан энэ жилийн хавчиг азарга гурав уралдахад хоёр айрагдлаа.
-Хүүхдүүд тань аавдаа уруу татагдаад уран уургач бугуйлч болчихсон уу?
-Тийм шүү. Бага хүү Очирсүрэн маань өвлөөд байгаа. Энэ жил Хэнтий аймагт болсон тэмцээнд морь булгиулалтаар оролцож, тавдугаар байранд ороод ирсэн. Харин Ууганбаяр маань бугуйлаар хүрэл медаль хүртсэн гэж дээр хэлсэн дээ. Бид нэгэн үе нэг баг байсан бол одоо манай хүүтэй нэг баг болоод явж байна.
-Танаар морио сургуулах гэсэн хүмүүсийн хөл татардаггүй бололтой?
-Ирнээ ирнэ. Отор нүүдэл хийж яваа хүмүүс ирдэг л юм.
-Ярилцлага маань өндөрлөж байна. Сүүлийн асуултыг танд үлдээе?
-Та бүхэнд баярлалаа. “Тод магнай” сэтгүүлийн нийт уншигчдад сайн сайхан бүхнийг хүсэн ерөөе.
0 Сэтгэгдэл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
- 4-р сарын 15 -нд Уяач Ц.Батсайхан: Гэсэрваань гуай тарган ирэн дээр…
- 2024 оны 3-р сарын 27 -нд Богд хан уулын аймаг байгуулагдсаны 100 жилийн ой,…
- 2024 оны 3-р сарын 27 -нд МУ-ын Тод манлай уяач Б.Далай: Уяачийн амжилтанд г…
- 2024 оны 3-р сарын 19 -нд Архангай аймгийн 100 жилийн ой, хангайн бүсийн ура…
- 2024 оны 3-р сарын 19 -нд 2023 оны ММСУХ-ны чансаа өндөр уяачид
- 2024 оны 3-р сарын 05 -нд 2023 ОНЫ 21 АЙМГИЙН ШИЛДЭГ УЯАЧ, УРАЛДААНЧ ХҮҮХДҮҮ…
- 2024 оны 3-р сарын 05 -нд Аймгийн Алдарт уяач Ш.Мөнхбаатар:Ах дүү дөрвүүл аа…
- 2024 оны 3-р сарын 05 -нд 2023 ОНЫ ММСУХ-НЫ 21 АЙМГИЙН ШИЛДЭГ САЛБАР ХОЛБОО,…
- 2024 оны 3-р сарын 05 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 27 -нд Манлай уяач Ч.Сугар: Алаг морийг харсан хүн болгон…
- 2024 оны 2-р сарын 27 -нд 2022 оны чансаа өндөр сонгомол дээд насны хүлгүүд
- 2024 оны 2-р сарын 26 -нд Н.Билэгтсайхан 66 оноогоор 2022 оны чансаа өндөр у…
- 2024 оны 2-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 2-р сарын 26 -нд МОНГОЛ УЛСЫН 2022 ОНЫ ӨНДӨР ЧАНСААТАЙ ИХ НАСНЫ МОР…
- 2024 оны 2-р сарын 26 -нд О.Батбилэг 73 оноогоор 2022 оны чансаа өндөр уяачд…
- 2024 оны 2-р сарын 26 -нд МУ-ын Алдарт уяач Г.Болдбаатар:Наадмын маргаашнаас…
- 2024 оны 2-р сарын 22 -нд 2022 оны чансаа өндөр азарганууд
- 2024 оны 2-р сарын 22 -нд 2022 оны МУ-ын шилдэг уяач, уралдаанч хүүхдүүд
- 2024 оны 2-р сарын 21 -нд ММСУХ-ны 2022 оны шилдгүүд шагналаа авлаа
- 2024 оны 2-р сарын 21 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 20 -нд Уяач Б.Батжаргал: Сүүлд цоохор даага даяндуулсан
- 2024 оны 2-р сарын 19 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 14 -нд Цолоо ахиулсан уяачид
- 2024 оны 2-р сарын 07 -нд Нийслэлийн Алдарт уяач цолоор 28 хүн шагнагджээ
- 2024 оны 2-р сарын 07 -нд Дөрвөн Тод, дөрвөн Манлай, 18 Алдарт уяач цол авах…
- 2024 оны 2-р сарын 07 -нд Сумын Алдарт уяач Н.ДУГАРЖАВ: БИ ДӨРӨВДҮГЭЭР АНГИА…
- 2024 оны 2-р сарын 05 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 05 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 27 -нд Сумын Алдарт уяач Д.Батбаяр: Би Биндэрт анх адуу т…
- 2024 оны 1-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 25 -нд Архангай аймгийн 100 жилийн ой, хангайн бүсийн ура…
- 2024 оны 1-р сарын 24 -нд СУМЫН АЛДАРТ УЯАЧ А.Цэрэндорж: ЗААМАРТ ДАЛАЙ ЛАМЫГ…
- 2024 оны 1-р сарын 22 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 21 -нд Аймгийн Алдарт уяач Б.Баттөр: Таван жилийн дотор с…
- 2024 оны 1-р сарын 18 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 15 -нд Аймгийн Алдарт уяач Ц.Жамсран: Өөрийн тамгатай уна…
- 2024 оны 1-р сарын 15 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 11 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 10 -нд Аймгийн Алдарт уяач М.Мөнхбаяр: Адууны төлөө уйгаг…
- 2024 оны 1-р сарын 10 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 08 -нд Сумын Алдарт уяач Ц.ГЭРЭЛБААТАР: Сайн адууны удам …
- 2024 оны 1-р сарын 08 -нд Завхан аймгийн 100 жилийн ой, баруун бүсийн урал…
- 2024 оны 1-р сарын 03 -нд Хамгийн шимт тэжээлийг мэдэх үү?
- 2024 оны 1-р сарын 02 -нд М.Энхтайван: Хүн хэдий чинээ сэтгэлээ өгнө, адуу т…
- 2023 оны 12-р сарын 27 -нд Хэнтий аймгийн 100 жилийн ой, зүүн бүсийн уралдаан…
- 2023 оны 12-р сарын 25 -нд Баахан хэрэг тарих Баяндэлгэрийн буурал
- 2023 оны 12-р сарын 23 -нд Нийслэлийн Алдарт Уяач цолны болзол хангасан уяачд…
- 2023 оны 12-р сарын 22 -нд Аймгийн Алдарт уяач Г.Энхбаатар: Аавынхаа уяаны ар…
- 2023 оны 12-р сарын 17 -нд Хэнтий аймгийн 100 жилийн ой, зүүн бүсийн уралдаан…
- 2023 оны 10-р сарын 29 -нд Сумын Алдарт уяач Л.Батноров: Азарганы түрүүгээр а…
Сэтгэгдэл бичигдээгүй байна