Галшар удмын адуу
Өнгөрсөн зууны үед Сэцэн хан аймгийн нутагт “Хан адуу”-наас үүсэлтэй хурдны угшлууд буй болон тодроод төдийлөн тогтворжиж чадаагүйг бид өмнөх дугаарууддаа хүргэсэн.
“Хан адуу”-г бүрэлдэхтэй зэргэцэн зэргэлдээ хошууны Хардэл засгийнхан ч хурдан морь уяхад анхаарах болжээ. Даншигийн наадмын цуваанаас харахад 1832 оны Түшээт хан аймгийн наадамд Хардэл бэйсийн морьд анх удаа уралдсан тухай тэмдэглэсэн байдаг. Энэ нь Галшар нутгаас наадамд уралдсан морьдын тухай хамгийн анхны баттай баримт юм.
Дээрхийн сүргийн хүрэн зандан их насанд түрүүлсэн нэгэн уралдаанд Хардэл бэйсийн саарал морь 129-д, халиун соёолон нь 31-д, хээр хязаалан нь 10-т, хар хязаалан нь 15-д, халиун хязаалан нь 31-д тус тус давхижээ. Түүнээс 12 жилийн дараа буюу 1844 онд Хардэл засгийн соёолон Даншигийн наадамд аман хүзүүлсэн байдаг. Яг тэр жил ертөнцөд мэндэлсэн агь Пүрэвжав өөрийн бүхий л амьдралыг хурдан удмын адуу буй болгох, өсгөн үржүүлэх, уях сойх их үйлст зориулсан бөгөөд түүний хөдөлмөр зүтгэлийн үр дүнд “Галшар” гэдэг хурдан удмын адуу буй болсон юм.
Хардэл бэйс М.Пүрэвжавыг ХХ зууны сүүлч ХХI зууны эхэн үеийн Монголын гүн ухааны сэтгэлгээний нэртэй төлөөлөгч, төр нийгмийн томоохон зүтгэлтэн гэдгийг орчин үеийн судлаачид тодруулан гаргасан нь бий.
Хардэл жанжин бэйс ПҮрэвжав Галшарын хурдан удмын адууг буй болгохын тулд Үндсэн дӨрвӨн том алхам бҮхий цогц ажлыг алсын бодлоготойгоор, урт удаан хугацааны туршид хэрэгжҮҮлж Чадсан хэмээн Үздэг.
Эхний алхам нь сайн багшид шавь орж /түүний эцэг Мижүрдорж бэйс хурдан морь уях эрдэмд чамгүй суралцсан “өвчит” хэмээх Баянжаргалд зориуд хүүгээ шавь оруулжээ/ хүсэл зорилго нэгтэй нутгийн залуус нягт нөхөрлөх болов.
Хоёр дахь алхам нь адуу малын арилжаа наймаа байсан бөгөөд хамгийн анх “Хан адуу”-ны эцэг талын удмаас хөлгүй болсон саарал үрээг авч, /Үүнийг зарим хүн нөгөөх захын Да вангийн хөтөлж ирсэн үрээ ч гэж ярьдаг. Гэвч цаг хугацааны хувьд тохирохгүй бололтой/ хэд хэдэн хөл муутай хонгор азаргатай болсон ч цөхөрсөнгүй эх талын удмыг сайжруулахын тулд Далай жонон бэйсийнхээс унагатай гүүг 50-60-аар нь арилжин авч цус сэлбэсээр байв.
Үүний үр дүнд адуу нь их өсч, 13 сүрэгт хүрсэн нь орон нутгийн хоёр наадмын цуваа, дотоод сүргийн нэгэн данснаас харагдаж байгаа юм. Бидэнд олдож байгаа дотоод сүргийн дансанд нийт 551 адууг нэр нас, зүсээр нь нэг бүрчлэн бүртгэсэн байдаг бөгөөд үүгээр жишээлэн нэг сүрэгт 500-600 адуу байсан хэмээн үзвэл 13 сүрэгт нийт 6500-7800 орчим адуутай байжээ хэмээн барагцаалж болохоор. Энэ нь “Өвгөн ноёны адуу түм шахаж байсан” гэдэг ам мэдээтэй дүйж байгаа юм. Энэ олон адууг маллах хүндхэн болсон бөгөөд адууг олон сүрэгт хуваан, сүргийн даамлаар өөрийн гарын нөхдийг тохоогоод, адууны үржлийн ажилд маш бодлоготой хандах болжээ. Сүрэг бүрт даамлаас гадна яваачин, агтчин, саальчин, оторчин, эрэлчингүүдийг буй болгож тэдгээрт өөрийн үнэнч албатуудаас тохоох болсон нь тун зөв шийдэл болж чадсан байна. Энэ нь ноёдын малыг сүрэглэн хариулдаг тэр цагийн заншилтай адил боловч Агь ноёны сүрэгчний албанд зүтгэдэг эрчүүд элдэв алба татвараас хөнгөлттэй, цэргийн албанаас бүр чөлөөтэй байснаараа ялгаатай юм. Үүнийг нь түүний Галшар удмын адууг хөгжүүлэхэд хийсэн гурав дахь алхам хэмээн үздэг.
Хардэл бэйсийнх лавтай 13 сүрэг адуутай байсан нь Жанжин бэйс, адууны чанар сайжрах гол үндэс нь цус холдох явдал бөгөөд хоорондоо арван нэгэн үе өнгөрөөгүй хоёр адууг нэг цусных гэж үздэг байжээ. Ийм ч учраас ойр, хол хаанаас ч бай үзсэн, дуулсан хурдан хурц үрээг ямар ч үнээр хамаагүй худалдан авдаг, үүндээ удам судар, хөрөнгө чинээ, ажил албаны нэр нөлөөгөө ч ашигладаг байжээ. “Өлгөр”, “Зандан”, “Хонгор зээрд” зэрэг азаргыг бага залууд нь ингэж л авч байсан байна. Ийм олон адуунд дотоод сүргийн дансыг сайтар хөтөлсөн нь адуугаа сайн таних, хурдан хурцыг нь ялгаж нүдлэх, үржлийн ажлыг зохистой хийж цус ойртохоос сэргийлэх, азарга, гүүний тохироог сайтар тааруулж улмаар хурдны шилмэл удам буй болгоход хүчтэй нөлөөлсөн дөрөвдэх алхам болсон юм.
Ийнхүү өндөр боловсрол, туршлагадаа тулгуурлан шинжлэх ухааны үндэслэлтэй, холыг харсан, өргөн цар хүрээтэй, хатуу чиг бодлого боловсруулан, хэрэгжүүлж “Галшар” удмыг бүрдүүлсэн нь Өвгөн ноёны түүхэн гавьяа юм. Галшар удмын адуу үүссэн цагаасаа эхлэн өнөөг хүртэл хөгжлийн үндсэн гурван үе шатыг туулсан хэмээн үздэг. 1885-1925 оны үеийг үүсэн бүрэлдэлтийн үе хэмээн үздэг бөгөөд энэ үед Хардэл бэйс нэгэнт хураан цуглуулсан өөрийн сүрэг дээр голлон ажилласан байдаг. Энэ үедээ буюу 1880-аад оны сүүлч, 1910-аад оны эхэн үе хүртэл хошуу нутгаас гадагш үрээ, байдас зарахыг чандлан хориглосон байна. Түүгээр ч үл барам Даншигийн наадамд түрүүлсэн морьдыг Богд эзэнд өргөн барьдаг хэдэн зуунаар дамжин ирсэн уламжлалд ч нэн өөрөөр ханддаг байжээ.
Даншигийн наадамд Хардэл бэйсийн нийт арав гаруй морь аман хүзүүдсэн нь тохиолдлын хэрэг биш хэмээн зарим нэг нь үздэг. 1890 онд түрүүлсэн саарал алаг соёолонгоо арга буюу Богдод өргөсөн байна. Саарал алаг их насанд нийлсэн хойноо 1893 оны даншигт аман хүзүүдэж, 1897 оны даншигт дөрөвт давхисан нь цуваанаас харагддаг.
1899 онд анхны азарганы уралдаанд Сэцэн ханы хээр түрүүлж Богдод арга буюу өргөгдөхөд Пүрэвжав бэйсийн халиун, хээр хоёр азарга аман хүзүү, гуравт тус тус хурдалж эзэндээ үлдэж байсан гэдэг. 1902 онд Далай Жонон бэйс Гомбосүрэнгийн сартай хар азарга түрүүлж мөн л Богдод өргөгдөхөд жанжин бэйсийн хар азарга аман хүзүүлж ижил сүрэгтээ үлджээ.
Пүрэвжав бэйсийн Галшар удмын адууг бий болгоход барьж байсан өөр нэгэн бодлого нь эцэг малд ихээхэн анхаарал хандуулж байсан явдал юм.
Дээрхийн гэгээнтний “Түмний эх” хээр алаг гэдэг морь энэ зууны эхний хэдэн жилд завсаргүй түрүүлж байхад Жанжин бэйс их насны моринд нэг их шимтэлгүй азарга, бага насаа л сайн хурдлуулж байсан нь дээрх өгүүлснийг батална. Тиймээс ч адууныхаа чанарыг сайжруулж, хурдыг нутагтаа тогтвортой барихад азарга их нөлөөтэйг эрт ухаарсан энэ хүн Богдын шавь, Түшээт ханы уяачид шиг хурдан хурц үрээдээ хөнгөлөхийг чухалчлалгүй харин тэднээр бараг цөмөөр нь шахуу азарга тавьдаг байжээ.
Мөн хурдан морь уях дэг сургуулийг улам боловсронгуй болгох, адууны үржлийн ажлыг нягт нямбай зохион байгуулах зэрэгт өөрийн болон шадар уяачдын мэдлэг туршлага, авьяас чадварыг шавхан дайчилж байв. Азарга, гүүний тохироог тааруулахдаа адууны гадаад, дотоод, нууц шинжүүд, өнгө зүс, ааш араншин, нутаг орны цаг уур, газар зүйн нөхцөлийг хүртэл нарийн харгалзан үзэж байлаа.
Эдгээр нь хурд найдвартай тогтворжих, Галшарын хурдан удмын адуу үүсэн бүрэлдэхэд нөлөөлсөн чухал хүчин зүйл болж, чухам энэ үед Хардэл бэйсийн морьд даншигийн наадмын цуваанд хүч түрэн гарч ирж, 9 түрүү, 25 айраг авч, уралдааны дүнгийн чансаа нь 119-д хүрч өмнөх дугааруудад дурдсан дэвсгэр гурван угшил, тухайн цагийн дээрхийн сүрэг, Их шавь, Далай ван, Боржигон зэрэг бусад угшлын адуунаас хол давамгайлж байсан байна. Хугацааны хувьд авч үзвэл өмнөх Хан адуунаас бараг дөрөв дахин, Дайчин засгийн адуунаас хоёр дахин, Дархан вангийн адуунаас 10 жилээр илүү байгаа юм. Энэ үе шатанд гурван удаагийн /1896,1900,1902-1907 оны үед/ чансааны түр уналтад орсон боловч тэдгээрээс тухай бүр амжилттай гарч чансаа нь урьд урьдынхаас өндөр түвшинд хүрч байжээ. Хардэл бэйс дан ганц өөрийн адуун сүрэг дээр дөч шахам жил голлон ажилласнаас үе үе уналтад орсныг буюу түүний адуу өргөн цар хүрээтэй үржлийн ажил зохион байгуулахад цөөдөж байгааг ухаарч 1910 хэд 20-иод оноос удмын тархалтад бага зэрэг анхаарал хандуулж эхэлсэн бололтой байдаг. Энэ үеэс зэргэлдээ Зоригт бэйс, Ахай гүн, Эрх гүн, Боржигин сэцэн бэйлийн зэрэг хошуудын адууны чанар сайжирч өөрийнх нь хурдан морьдын уралдааны дүнгийн чансаа тогтвортой дээшилжээ. Эдгээрийн үр дүнд биологи, байгаль цаг уур, нийгмийн ямар ч сорилтыг давж чадах дархлал бүхий хурдан адууны шинэ удам бүрэлдэн тогтож чадсан ажээ.
Галшар удмын адуу хүчирхэгжсэн болон Монгол орон даяар хэрхэн тархсан талаарх сонирхолтой мэдээллийг бид дараагийн дугаартаа хүргэх болно. Анхаарал хандуулсан эрхэм уншигч танд баярлалаа.
Доктор А.Баярмагнай
0 Сэтгэгдэл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
- 4-р сарын 15 -нд Уяач Ц.Батсайхан: Гэсэрваань гуай тарган ирэн дээр…
- 3-р сарын 27 -нд Богд хан уулын аймаг байгуулагдсаны 100 жилийн ой,…
- 3-р сарын 27 -нд МУ-ын Тод манлай уяач Б.Далай: Уяачийн амжилтанд г…
- 2024 оны 3-р сарын 19 -нд Архангай аймгийн 100 жилийн ой, хангайн бүсийн ура…
- 2024 оны 3-р сарын 19 -нд 2023 оны ММСУХ-ны чансаа өндөр уяачид
- 2024 оны 3-р сарын 05 -нд 2023 ОНЫ 21 АЙМГИЙН ШИЛДЭГ УЯАЧ, УРАЛДААНЧ ХҮҮХДҮҮ…
- 2024 оны 3-р сарын 05 -нд Аймгийн Алдарт уяач Ш.Мөнхбаатар:Ах дүү дөрвүүл аа…
- 2024 оны 3-р сарын 05 -нд 2023 ОНЫ ММСУХ-НЫ 21 АЙМГИЙН ШИЛДЭГ САЛБАР ХОЛБОО,…
- 2024 оны 3-р сарын 05 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 27 -нд Манлай уяач Ч.Сугар: Алаг морийг харсан хүн болгон…
- 2024 оны 2-р сарын 27 -нд 2022 оны чансаа өндөр сонгомол дээд насны хүлгүүд
- 2024 оны 2-р сарын 26 -нд Н.Билэгтсайхан 66 оноогоор 2022 оны чансаа өндөр у…
- 2024 оны 2-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 2-р сарын 26 -нд МОНГОЛ УЛСЫН 2022 ОНЫ ӨНДӨР ЧАНСААТАЙ ИХ НАСНЫ МОР…
- 2024 оны 2-р сарын 26 -нд О.Батбилэг 73 оноогоор 2022 оны чансаа өндөр уяачд…
- 2024 оны 2-р сарын 26 -нд МУ-ын Алдарт уяач Г.Болдбаатар:Наадмын маргаашнаас…
- 2024 оны 2-р сарын 22 -нд 2022 оны чансаа өндөр азарганууд
- 2024 оны 2-р сарын 22 -нд 2022 оны МУ-ын шилдэг уяач, уралдаанч хүүхдүүд
- 2024 оны 2-р сарын 21 -нд ММСУХ-ны 2022 оны шилдгүүд шагналаа авлаа
- 2024 оны 2-р сарын 21 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 20 -нд Уяач Б.Батжаргал: Сүүлд цоохор даага даяндуулсан
- 2024 оны 2-р сарын 19 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 14 -нд Цолоо ахиулсан уяачид
- 2024 оны 2-р сарын 07 -нд Нийслэлийн Алдарт уяач цолоор 28 хүн шагнагджээ
- 2024 оны 2-р сарын 07 -нд Дөрвөн Тод, дөрвөн Манлай, 18 Алдарт уяач цол авах…
- 2024 оны 2-р сарын 07 -нд Сумын Алдарт уяач Н.ДУГАРЖАВ: БИ ДӨРӨВДҮГЭЭР АНГИА…
- 2024 оны 2-р сарын 05 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 05 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 27 -нд Сумын Алдарт уяач Д.Батбаяр: Би Биндэрт анх адуу т…
- 2024 оны 1-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 25 -нд Архангай аймгийн 100 жилийн ой, хангайн бүсийн ура…
- 2024 оны 1-р сарын 24 -нд СУМЫН АЛДАРТ УЯАЧ А.Цэрэндорж: ЗААМАРТ ДАЛАЙ ЛАМЫГ…
- 2024 оны 1-р сарын 22 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 21 -нд Аймгийн Алдарт уяач Б.Баттөр: Таван жилийн дотор с…
- 2024 оны 1-р сарын 18 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 15 -нд Аймгийн Алдарт уяач Ц.Жамсран: Өөрийн тамгатай уна…
- 2024 оны 1-р сарын 15 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 11 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 10 -нд Аймгийн Алдарт уяач М.Мөнхбаяр: Адууны төлөө уйгаг…
- 2024 оны 1-р сарын 10 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 08 -нд Сумын Алдарт уяач Ц.ГЭРЭЛБААТАР: Сайн адууны удам …
- 2024 оны 1-р сарын 08 -нд Завхан аймгийн 100 жилийн ой, баруун бүсийн урал…
- 2024 оны 1-р сарын 03 -нд Хамгийн шимт тэжээлийг мэдэх үү?
- 2024 оны 1-р сарын 02 -нд М.Энхтайван: Хүн хэдий чинээ сэтгэлээ өгнө, адуу т…
- 2023 оны 12-р сарын 27 -нд Хэнтий аймгийн 100 жилийн ой, зүүн бүсийн уралдаан…
- 2023 оны 12-р сарын 25 -нд Баахан хэрэг тарих Баяндэлгэрийн буурал
- 2023 оны 12-р сарын 23 -нд Нийслэлийн Алдарт Уяач цолны болзол хангасан уяачд…
- 2023 оны 12-р сарын 22 -нд Аймгийн Алдарт уяач Г.Энхбаатар: Аавынхаа уяаны ар…
- 2023 оны 12-р сарын 17 -нд Хэнтий аймгийн 100 жилийн ой, зүүн бүсийн уралдаан…
- 2023 оны 10-р сарын 29 -нд Сумын Алдарт уяач Л.Батноров: Азарганы түрүүгээр а…
Сэтгэгдэл бичигдээгүй байна